Faayidaa Giddugala-tokkorraa dhaabbilee heddu Tekinoolojiidhaan too’achuu

Tokkummaan humna jedhama mitiiree…! Wajjiin hojjachuun humna.
Tokkoomuudha, walcimsuudha, wajjiin guddachuudha, yoo kufanis wajjiin
kufuudha(wajjiin hojjatanii kufuun hin jiruuyyu), yoo moo’atanis wajjiin
moo’atanii milkaayuuf karaa saaqa.

Ummanni keenna aadaa wajjiin hojjachuu hin qabu, hunduu karama ofii fiiga,
hanguma sana reef waldeeggaruufi waliin hojjachuus akkasumas yaadaan wal-utubuu
eegale. kun waan jajjabeeffamu, waan itti fufuu qabu.

Hardha waamalee #Aadaa wajjiin hojjachuu keenyaa hin xiinxalline.
Abboota qabeenyaa heddu qabna, Abboota qabeenyaa dhaabbata heddu qaban
heddutu jira, garuu dhaabboliin abbaa tokkoo hedduun isaanii daandii
walfaallaa imalu, waluu hin argan, waluu hin beekan. Hunduu karuma isaa
waan danda’e hojjatee deebi’a. Muuxannoo waljijjiiruun hin jiru.
Osoo tokko milkaa’u tokkommoo kasaaraa keessa gala, sun maaliif milkaaye
kun maaliif kasaare jedhee abbaan qabeenyichaas Hooggantootnis yoo xiinxallan
hin muldhatan.

Akkuma sana Abbaan qabeenyaa baajata guuddaadhaan Moosajjii(software) tokko
bitee yoo tajaajila isaa haaromsuuf dhiyeesse, Osoo moosajjii kanumaan dhaabbata
isaa hunda too’achuu danda’u aadaa waliin hojjachuu waan hin dagaagfatiniif
dhaabbata kaaniifis bifa haaraadhaan waanuma walfakkaatu goodha.
Kun Abbuma qabeenyichaa miidha, Baasii seeraan alaatiif saaxilamuu fida.

Fakkeenna tokka haa ilaallu:
Osoo Obbo A, kaampaanii sadi kan i, ii, iii jedhamu qabaatee,
dhaabbanni kun Maqaa dhaabbilee kanaatiin #Marsariitii(website) sadi bituun
irran jiraatu. Yeroma takka ‘www.i.com’ yoo bitate, sana booda dhaabbilee isaa
hafan(ii fi iii) asuma jalatti too’achuu qaba.
Kana jechuun – ii.i.com fi iii.i.com jennee moggaasuu dandeenna jechuudha.
Haala kanaan
~ Baasii yeroo sadi kafalu irraa baraaramuu danda’a.
~ Dhaabbileen nama kanaa obboleeyyan ta’uu namni kamuu ni hubata.
~ Humna namaa iddoo saditti ramadee hojjachiisuun hafee iddoo tokko qofatti
waan qacaruuf humna salphaafi baasii salphaan qabeennasaa too’achuuf oola.
~ Hojiiwwan dhaabbilee kanneen sadiin irratti hojjatamaa jiru salphatti
hordofuuqi quba-qabaachuuf salphaa ta’a.
~ Beeksisaaf ni salphata, Hojii damee tokkoo damee biraarratti beeksisuuf
salphaadha.
~ Maamilli hojii dhaabbilee kanneenii keessaa tokko ilaaluu marsariitii
tokkoo isaanii bane, hojii dhaabbilee isa biroos ni arga. Akka yeroo ammaa
‘Fooddaa tokkoon’ warri baankii jettu kana. Kanneeniifi kkf fa’a.

Yoo Namoota garagaraa ykn dhaabbilee gargaraa giddutti ta’e immoo faayidaa
waliin hojjachuun qabu kutaa itti aanu keessatti itti deebina.

Kaayyoon keenya: Hubannoo Hawaasaa Cimsuudha!

HORAA BULAA DEEBANAA…
Garee OROMO ICT | Qubee Technologies
E-mail: oromoict@gmail.com
Web: www.oroict.com / www.afaan-oromoo.com